O músico e comunicador Xurxo Souto explica as súas Barriografías, un programa de radio itinerante por nove espazos do barrio coruñés da Agra do Orzán que comezará a emitirse en internet este mes de maio como parte do proxecto Música en Branco. Queres saber máis? Déixate caer por aquí:

musicaenbranco.org/actividades/barriografias/

Que é Música en Branco? Unha intervención urbana que investiga, documenta, difunde e pon en valor a memoria musical e sonora deste barrio da Coruña, converténdoa nunha ferramenta para a participación e a innovación social. Desenvolvido pola Concellería de Cultura da cidade herculina, lévase a cabo no marco de Urbana-C, un Programa Integral de Rexeneración Urbana financiado pola Unión Europea e o Concello.